Hlaupið hefst á Engjavegi nálægt Skautahöllinni í Laugardal og endar í trjágögunum við þvottalaugarnar í Laugardal. Að mestu er hlaupið á stígum. Smellið á kortin af leiðunum til að skoða stærri mynd.

Hálfmaraþon

Leiðin sem hlaupin er í hálfmaraþoninu er bæði skemmtileg og krefjandi. Hlaupið er alla leið upp Elliðaárdalinn og framhjá svæði Fáks í Víðidal. Þaðan er farið upp að Rauðavatni og Morgunblaðshúsinu. Síðan hlaupið yfir Grafarholt og niður Grafarvoginn. Frá bryggjuhverfinu í Grafarvogi er farið inn í Laugardalinn aftur.

10 km

10 km hlaupaleiðin liggur í gegnum Laugardalinn og upp að stíflunni í Elliðaárdal og til baka.

5 km

Í 5 km hlaupinu er hlaupin skemmtileg leið í kringum Laugardalinn. Leiðin er nokkuð svipuð þeirri sem farin hefur verið undanfarin ár en breytist þó aðeins vegna nýs upphafs og endis.